“УЛААНБААТАР В2В – НИЙСЛЭЛ ХОТЫН БАРИЛГА, БҮТЭЭН БАЙГУУЛАЛТ” БИЗНЕС УУЛЗАЛТАД УРЬЖ БАЙНА

Улаанбаатар хотын худалдааны танхим улирал бүр “Улаанбаатар В2В” уулзалт зохион байгуулдаг билээ. Энэ удаа нийслэлийн хөгжлийг хурдасгах бүтээн байгуулалтын улирал эхлэх дөхсөнтэй холбоотой барилгын салбарынханд зориулж “Нийслэл хотын барилга, бүтээн байгуулалт” бизнес уулзалт 2-р сарын 20-ны 14 цагт зохион байгуулна.

Зорилго: Нийслэлийн шинэ бүтээн байгуулалтын төслүүдтэй танилцах, барилгын шинэ дэвшилтэт техник, технологийн мэдээллийг солилцох, харилцан ашигтай шийдлийг олох, ААН-үүд төсөл хөтөлбөрүүдийг хамтран хэрэгжүүлэх, барилгын материал үйлдвэрлэгчид, ханган нийлүүлэгчид бараа, бүтээгдэхүүнээ танилцуулах, бизнесийн харилцаа тогтоох гэх мэт ач холбогдолтой.

Бизнес уулзалтад барилгын материал үйлдвэрлэгч компаниуд, ханган нийлүүлэгчид, дэвшилтэт техник, технологи нэвтрүүлэгчид, барилгын салбарын компаниуд, тухайн салбарын компаниудтай хамтарч ажиллах сонирхолтой аж ахуйн нэгжүүд оролцохыг урьж байна.

Үүнээс гадна уулзалтаар ААН-үүд бүтээгдэхүүн, үйлчилгээ, бараа, материалын танилцуулгаа дэлгэн үзүүлэх, мөн танилцуулгаа хийх боломжтой юм.

Зохион байгуулагч: Улаанбаатар хотын худалдааны танхим

Хамтран зохион байгуулагч: Нийслэлийн засаг даргын тамгын газар

Хугацаа: 2025 оны 2-р сарын 20-ны 14:00 цагт

Байршил: Corporate Hotel & Convention Center, 5-р давхарт Улаанбаатар танхим

Бүртгүүлэх: https://docs.google.com/forms/d/1gJsdL5WEEK9p6brq8clO1O7R3MwN4qQBzoguRUdT7P4/edit

Дэлгэрэнгүй мэдээллийг: 7700-3883, 9999-5605