ЭНЭТХЭГТ ЗОХИОГДОХ ЭРҮҮЛ МЭНДИЙН ҮЗЭСГЭЛЭНД ОРОЛЦОХЫГ УРЬЖ БАЙНА
Энэтхэгийн нийслэл Нью Дели хотноо ирэх 12-р сарын 16-18-нд болох "Sanjeevani 2024-Healthcare and wellness" үзэсгэлэн, худалдаанд оролцохыг урьж байна.
"Sanjeevani" гэдэг нь аливаа зүйлд өөрийн эрч хүчээ өгдөг "Амьдралын хүч" гэсэн утгатай үг аж.
Үзэсгэлэнг Энэтхэгийн Засгийн газрын Худалдаа, аж үйлдвэрийн яамны Худалдааны хэлтэс, Энэтхэгийн Худалдаа, аж үйлдвэрийн яамны Экспортыг дэмжих зөвлөл (SEPC) хамтран зохион байгуулж буй.
Үзэсгэлэнгийн зорилго: Энэтхэгийн эрүүл мэндийн салбарын үйлчилгээг дэлхий дахины хэмжээнд сурталчлах, тогтвортой хөгжлийн түншлэлийн хүрээнд эрүүл мэндийн салбарын бизнесүүд олон улсын хэмжээнд бизнесээ тэлэх боломжийг хэлэлцэх юм.
Тус арга хэмжээний үеэр В2В уулзалтууд, олон улсын үзэсгэлэн, хурал зохион байгуулагдаж, үзэсгэлэнгээр дамжуулан бизнесийн холбоо, сүлжээ тогтоох, бизнесийн шинэ боломж, санаа олох, хөрөнгө оруулалт татах, түүхий эд, бараа бүтээгдэхүүн, шинэ, дэвшилтэт технологи, шинэ судалгаануудтай танилцах боломжтой.
Үзэсгэлэнд 75 гаруй улсын эрүүл мэндийн салбарын компаниуд ба Энэтхэгийн 100 гаруй байгууллага оролцох бөгөөд 10000 гаруй зочид үзэсгэлэнгээр зочлох төлөвтэй байна.
Дараах салбарын байгууллагууд тус үзэсгэлэнд оролцож дэлхий дахинд бизнесээ тэлэх боломжтой:
- Эмнэлэг
- Эрүүл мэндийн төвүүд
- Эрүүл мэндийн технологийн салбарынхан
- Эрүүл мэнд, аюурведийн төвүүд
- Эрүүл мэндийн судлаачид
- Туслах үйлчилгээ эрхлэгчид
- Сэргээн засах төвүүд
- Үс шилжүүлэн суулгах төвүүд
- Эрүүл мэндийн салбарын аялал зохион байгуулагчид
- Шүдний эмнэлэг, үйлчилгээ эрхлэгчид
- Эрүүл мэндийн институт
- Эрүүл мэндийн даатгалын компаниуд
- Иогийн төвүүд
- Эм, эмнэлэгийн хэрэгслийн үйлдвэрлэгчид, худалдаачид
- Гоо сайхны мэс заслын салбарынхан гэх мэт.
Та бүхэн дэлгэрэнгүй мэдээлэл болон бүртгэлийг доорх вэбсайтаас аваарай.
https://www.servicesepc.org/sanjeevani/
