Давосын Эдийн засгийн чуулган эхэллээ
2022/05/23
Давост болдог Дэлхийн эдийн засгийн форум хоёр жил завсарласны дараа энэ жил анх удаа зуны улиралд зохион байгуулагдаж байна.
2022 оны чуулганд улс төр, эдийн засаг, нийгмийн салбарын 2500 гаруй зочин оролцох төлөвтэй байгаа аж.
Энэ удаад Давосын чуулган дэлхий дахины хамгийн ихээр сорилт дагуулж буй цар тахлын нөхцөл байдлаас гадна Украин дахь дайн, гео-эдийн засгийн хямрал, уур амьсгалын өөрчлөлт зэрэг үндсэн томоохон сэдвүүдэд анхаарал хандуулж байна.
1971 онд Германы инженер Клаус Швабын үүсгэн байгуулсан Дэлхийн эдийн засгийн форум хамгийн сүүлд COVID-19 цар тахлын өмнө буюу 2020 онд зохион байгуулагдаж байсан юм. Тухайн үед чуулганд оролцсон эрхмүүдийн хөрөнгийн хэмжээ 500 тэрбум ам.доллароор хэмжигдэж байв.
