2019 оны улаанбуудайн ургацын урьдчилсан мэдээ

Монгол орны тариалан бүхий нутгуудаар үндэсний статистикийн хорооны мэдээгээр энэ оны зургаадугаар сарын 1-ний байдлаар 377.0 мянган га талбайд тариалалт хийснээс

  • 318.1 мянган га-д үр тариа,
  • 11.5 мянган га-д төмс,  
  • 30.3 мянган га-д техникийн ургамал, 

Үлдсэн талбайд хүнсний ногоо болон тэжээлийн ургамал тус тус тариалаад байна.

Өмнөх оны мөн үеэс нийт тариалсан талбай 5.1 мянган га-аар буурсан хэдий ч үр тариа 5.0 мянган га-аар нэмэгдсэн байна.

Энэ жилийн улаанбуудайн хаврын тариалалт, ургалтын байдал, цаг агаарын нөхцлийн бодит болон цаашдын төлөвт үндэслэн улаанбуудайн ургацыг динамик–статистик загвараар урьдчилан тооцоо хийж үзэхэд:

  • Сэлэнгийн Ерөө, Орхон, Дорнодын Халхгол, Дархан-Уул аймгийн тариалангийн бүс нутгаар 7.5 - 9.5 ц/га;
  • Увсын Баруунтуруун, Өвөрхангайн Хархорин, Сэлэнгийн Цагааннуур, Баруунхараа, Орхонтуул, Төвийн Угтаал, Эрдэнэсант сумын тариалан бүхий нутгаар 10.1 – 13.6 ц/га;
  • Хөвсгөлийн Тариалан, Булган аймгийн тариалан бүхий нутгаар 14.0 – 17.0 ц/га ургац авах төлөвтэй байна.