Хятадад дөрөвдүгээр сараас хойш “Wikipedia” ашиглахыг хоригложээ

Хятадад дөрөвдүгээр сараас хойш “Wikipedia” цахим хуудсыг бүх хэлээр ашиглах хувилбарыг хориглосон тухай “Wikimedia” сангаас албан ёсоор мэдээлжээ.  

Интернет хяналт шалгалтын судлаачдын олж тогтоосноор Хятад улсаас хандах боломжгүй сайтуудын жагсаалтад “Wikipedia" орсон байна.

Өмнө нь тус улсын эрх баригчид нэвтэрхий толины Хятад хэл дээрх хувилбарыг ашиглахыг хориглосон бөгөөд хязгаарлалтыг өргөжүүлсэн нь энэ аж.

“Wikimedia” сангийн мэдэгдэлд дурдсанаар “Бид дөрөвдүгээр сарын сүүлээр Хятад улсад “Wikipedia” цахим хуудсыг ашиглах боломжгүй болсныг олж тогтоосон. Дотоодын сүлжээнд хяналт шалгалт явуулсны дүнд тус улсад “Wikipedia” цахим хуудасны бүх хэл дээрх хувилбарт нэвтрэхийг хориглосон гэдгийг албан ёсоор баталгаажуулж байна” гэжээ.

Дэлхийн олон улс оронд чөлөөтэй нэмж засвар оруулах боломжтой тус цахим нэвтэрхий толийг хориглосон байдаг. Тухайлбал, 2017 онд Турк улс, энэ жил Венесуэл улс “Wikipedia”-г хэрэглэхээс татгалзжээ.       

Эх сурвалж: BBC