Монгол Улс өнгөрсөн сард 23.9 мянган жуулчин хүлээн авлаа

Нэгдүгээр сард манай улс 23.9 мянган жуулчин хүлээн авчээ. Ингэснээр тухайн салбарын орлого 11.7 хувиар өссөн аж. Өнгөрсөн онд манай улс 529.3 мянган жуулчин хүлээн авсан байдаг. Тодруулбал, өнгөрсөн онд манай улсын хилээр давхардсан тоогоор 6.1 сая хүн нэвтэрсэн байна. Үүний 598.4 мянга нь гадаадын иргэн бөгөөд, 529.3 мянга нь жуулчид, 69 мянга нь ажиллах, суралцах зорилгоор ирсэн байна.

 

 

Жуулчдын тоог үзвэл Тайланд, Индонез, Турк, Энэтхэг Улсын жуулчдын тоо нэмэгдэж, БНАСУ, Вьетнам, Австрийн жуулчдын тоо буурсан. Манай улс аялал жуулчлалын салбараа хөгжүүлэхээр зорин ажиллаж байгаа. Энэ талаар БОАЖ-ын сайд Н.Цэрэнбат “ Монгол Улсын хөгжлийн гурван тулгуурын нэг болох аялал жуулчлалыг шинэ шатанд гаргах алхмуудыг 2018 багтаан хийсэн.

Монгол Улс анх удаа аялал жуулчлалын чиглэлээ албан ёсоор баталж, түүхэнд байгаагүй санхүүжилт буюу 6.2 тэрбум төгрөгийг ирэх жилийн төсөвт тусгасан нь аялал жуулчлалын салбарт анхдагч байлаа” хэмээсэн юм.

Шинэ мэдээ