Лондоны үнэт металлын биржид тонн цэвэр зэсийн үнэ 6209 америк доллар болж, 184 (3.1 хувь) америк доллараар өсжээ

Зэсийн үнэ

Лондоны үнэт металлын биржид тонн цэвэр зэсийн үнэ 2018 оны 10 дугаар сарын дунджаар 6209 америк доллар болж, өмнөх сараас 184 (3.1 хувь) америк доллараар өсөж, өмнөх оны мөн үеэс 587 ( 8.6 хувь) америк доллараар буурсан байна. Харин манай улс өнгөрсөн онд 1 тонн зэсийн баяжмалаа ердөө 1400 америк доллараар худалдсан юм.   

Алтны үнэ

Лондоны металлын биржид 1 унц алтны үнэ 2018 оны 10 дугаар сарын дунджаар 1215.4 америк доллар болж, өмнөх сараас 16.6 (1.4%) америк доллараар өсөж, өмнөх оны мөн үеэс 64.7 (5.1%) америк доллараар буурсан байна. 1 унц= 31.1034768 грамм.

Газрын тосны үнэ

Нью-Йоркийн худалдааны биржид 1 баррел газрын тосны үнэ 2018 оны 10 дугаар сарын дунджаар 70.8 америк доллар болж, өмнөх сараас 0.9 (1.2%) америк доллараар, өмнөх оны мөн үеэс 19.1 (37.0%) америк доллараар өссөн байна.

Тэгвэл манай улс 1 баррель нефтийг 2017 онд дунджаар 49.8 ам.доллараар урд хөршид экспортолсон бол 2018 онд энэ үнэ 63.3 ам.доллар болж өсжээ.

Шинэ мэдээ