#.15 Weekly news

UBCC WEEKLY NEWS

 

 

 

 “НИЙСЛЭЛИЙН БҮТЭЭН БАЙГУУЛАЛТЫН ДЭЭД ШАГНАЛД НЭР ДЭВШҮҮЛЭХ МАТЕРИАЛ ХҮЛЭЭН АВНА”.

 

Нийслэлийн Засаг даргын Тамгын газраас Улаанбаатар хотын нийгэм, эдийн засаг, оюун санааны хөгжилд шинэ жишиг авчирч, Нийслэлийн иргэдийн сэтгэл зүрхэнд нийцсэн барилга, байгууламж, дэвшилтэт техник, технологи бүхий шинэ үйлдвэр, франчайзинг, брэндингийн төсөл, санаачлага гэсэн дөрвөн чиглэлээр хийж бүтээсэн оны шилдэг бүтээн байгуулалтыг шалгаруулан “Нийслэлийн өдөр” шагнал гардуулдаг уламжлалтай.

  • Хөрөнгө оруулалтын хэмжээ, цар хүрээгээрээ нийслэлийн эдийн засаг, нийгэмд бодит нөлөө үзүүлсэн,
  • Ашиглаж буй техник, технологи, бүтээгдэхүүний чанар нь байгальд ээлтэй, дэлхийн стандарт, жишигт хүрсэн,
  • Ажлын байрыг олноор бий болгосон
  • Нийслэл болон дүүргийн төсвийн найдвартай орлого бүрдүүлэгч болсон
  • Бүтээгдэхүүнээ олон улсад таниулсан
  • Эрүүл аюулгүй байдал, хөдөлмөр хамгаалалтын стандарт, шаардлагыг хангасан
  • Нийслэл, дүүргийн хөгжлийн чиг хандлагад тулгуурласан
  • Олон улсад хүлээн зөвшөөрөгдсөн
  • Салбартаа тэргүүлэгч, манлайлагч, үлгэр жишээ болсон гэх үзүүлэлтээр сонгон шалгаруулна.

Иймд 2017 оны “Нийслэлийн бүтээн байгуулалтын дээд шагнал”-д нэр дэвшигчдийн материалыг 2017 оны 10 дугаар сарын 10-ны дотор Нийслэлийн Засаг даргын Тамгын газрын Төсөл, хамтын ажиллагааны тасагт хүргүүлнэ үү. 

Бүрдүүлэх материал:

  • “Нийслэлийн Бүтээн байгуулалтын дээд шагнал”-д нэр дэвшүүлэх хүсэлт гаргасан албан бичиг
  • Байгууллагын танилцуулга /3 хуудас/
  • Бүтээн байгуулалтын танилцуулга /7 хуудас/
    • Ач холбогдол
    • Онцлог
    • Тайлбар
    • Тооцоолол
    • Схем
    • Хөрөнгө оруулалтын хэмжээ
    • Фото зураг

Дэлгэрэнгүй мэдээллийг Нийслэлийн Засаг даргын Тамгын газрын Төсөл, хамтын ажиллагааны тасаг /Б.Золзаяа - 323304, 89060077/-аас авна уу.